1 | |
AF268: 54v tārīḫ‑i dīger fetḥ‑i ṭābūr remel: fāʿilātün ‑ fāʿilātün ‑ fāʿilün 1 ʿAzm‑i ġazā eyleyince şāh‑i dīn 2 Bezm‑i rezmüñ ṭarḥ ėdüb aḥkāmını 3 İki gün bir tā seḥerden vaqt‑i şām 4 Ol qadar ceng ü cidāl ola dėmiş 5 Düşdi bir eksikle bu fetḥ‑i tārīḫ Egri qalʿesinüñ fetḥinden ṣoñra fettāḥ‑i ẕū l-minen ʿavniyle fetḥi müyesser olan ṭābūr‑i maqhūruñ fetḥine müteʿalliq taḥrīr olınan mektūbdur // celīlü ş‑şān refīʿü l‑mekān ʿālī himmetlü sulṭānum ḥażretlerinüñ mübārek āsitān‑i vālā nişān u himem‑feşānlarına // hezār ḫulūṣ‑i cān u ṣafā‑yi cinān birle teḥīyet u selām‑[u] [?] duʿā-i bi‑ʿaded‑i [?] ḥasenāt‑i [?] süyūf‑i ġazāt ʿarż u mütḥaf u mühdā mü’edd[ā] [?] // qılınduqdan ṣoñra maʿrūż-i bende‑i bī‑reyb ü bī‑riyā budur ki muqaddemen bi‑ʿināyeti llāhi taʿālā Egri qalʿesi himmet‑i pādişāh‑i vālā-cāh‑i // ẓıllu llāh ile sene biñ beş Ṣaferü l‑muẓafferüñ on ṭoquzıncı güni qabża‑i tesḫīre getürildügi ḥākipāy‑i [!] seʿādetlerine ruqʿa‑i ʿubūdīyet- // nümā ile ʿarż u inhā olınmış idi ḥīn‑i muḥāṣarada qalʿe her ṭarafdan ʿaẓīm ṭoplarla dögilüb ve baʿżı qoldan laġımlar vėrilmekle // bināsınuñ zemīn içinde olan qavī esāsı zemāne çıqub ve yėr yüzinde olan bināsı yėre girüb ziyāde taḥrīb olunmaġla // ḥıfẓ u ḥirāseti umūr‑i dīn ü devletden olmaġın her bir ʿaskeri ne qoldan dögüb ve ne qoldan laġımlar vėrilmekle laġım vėrilmiş ise gėrü // taʿmīr ve termīmi her kese aña göre fermān olınub lākin ordu‑yi hümāyūn ḥīn‑i muḥāṣarada qalʿeden ṭop ėrişmez uzaq yėrde // qonmaġ‑ile ʿasker ṣubḥ u şām binā ḫidmetine varub gelmeleri ʿasīr olmaġın ihtimāmen seādetlü ve devletlü pādişāh‑i rūy‑i zemīn // ḫullidet ḫilāfetühū ilā yevmi d‑dīn ḥażretleri biẕẕāt ordu‑yi hümāyūnla göçüb qalʿenüñ qūrbına [!] qonub ve vüzerā‑yi ʿaẓām // ḥuṣūṣen düstūr‑i aʿżam müşīr‑i ekrem vezīr‑i aʿẓam İbrāhīm Paşa edāme llāhu taʿālā iclālle ṣubḥ u şām binā üzerinde qıyām // gösterüb ve ʿizzetlü ve şevketlü pādişāh‑i velīyü llāh daḫı aḥyānen seyr ü şikār ü temāşā‑yi fetḥ‑i nuṣret‑ās̱ār u teferrüc‑i dār u diyārı // bahānesiyle binā maḥallerin teşrīf ve ʿaskere terġīb ü istimālet içün qalʿeye uġrayub ve qalʿenüñ içinde mevcūd bulınan // ṭoplardan ve żarbuzanlardan mā‑ʿadā otuza qarīb b/yatoloşqa [?] ve qulumburna ṭopları ve üç‑yüz mükemmel şāhī ve miyāne // żarbuzanlar ve bunlara göre barut ve qundaq ve sāyir cebe‑ḫāne qonılub ve üç biñ nefer qapu yeñiçerisi ve biñ cebeci // ve beş yüz ṭopçı ve müceddeden beş biñ başlu ve göñüllü ve ʿazeb ve ḥiṣār eri ve biñ beş yüz nefer qul qarındaşı // ṣaġ ve ṣol bölükleri yazılub ve begler beginüñ ve aġalaruñ adamları ve tevābiʿleri biñ nefer tekmīl olınub cümle on iki biñ // qılıç olur qalʿe ve memleket ḥıfẓına taʿyīn olınub bu tedārükde iken māh‑i mezbūruñ yigirmi altıncı güni küffār‑i ḥāksārdan [!] [...] [?] // aṣub aʿdā‑yi bed‑rāyuñ reʾy‑i fāsid ü fikr‑i kāsidleri nedür dėyü suʾāl olunduqda ʿumūmen Peç ü Nemçe [?] vü Alaman ve Çeh ve İslovin ve Rūs ʿaskeri ve serdārları olan Peç qıralı Hersek Matyaş nām melʿūn yüz qırq biñ ehl‑i pūş |